Anleggsbidrag
Generelt
Noregs vassdrags- og energidirektorat, NVE, regulerer nettmonopolet i Noreg. Ein stor del av aktiviteten til Sunnfjord Energi AS (SE) er underlagt dette regimet. I praksis tyder det at netteigarane, som SE, må forhalde seg til ei rekke lover og føreskrifter på ulike områder. Kostnadane ved å bygge og drive nettet i området blir dekka av kundane i nettet.
Prinsippa for kostnadsfordeling mellom brukarane ved nye nettilknytingar eller ved forsterking av nettet er regulert i FOR 1999-03-11 nr 302: Forskrift om økonomisk og teknisk rapportering, inntektsramme for nettvirksomheten.
Når er anleggsbidrag aktuelt?
For ein typisk kunde kan det kan være når ein bygger eit hus og bestiller straum, eller ber om utviding av eksisterande anlegg som medfører at nettet må forsterkast. For entreprenørar er typiske tilfeller når områder skal byggast ut og straum skal leggast fram til og i området.
Botnfrådrag
SE har eit botnfrådrag på 30.000,- pr. anlegg/målepunkt. Det betyr at dersom kostnadane ved det elektriske anlegget til SE overstig 30.000,-, må kunden dekke det overskytande beløpet. Er kostnadane under 30.000,-, vert beløpet dekka av SE. Det vert gitt botnfrådrag både ved nytilknytingar og ved utvidingar.
Berekningsprinsipp
Man skil mellom såkalla kundespesifikke anlegg og radielle fellesanlegg.
Kundespesifikke anlegg
Anlegget med tilhøyrande kostnader kan knytast om mot ein kunde/kundegruppe der det ikkje er sannsynleg at det kan tilknytast fleire kundar.
Radielle fellesanlegg
Dersom fleire kundar ligg i eit fellesanlegg, vil SE berekne anleggsbidraget slik at det vert anleggskostnaden/forventa(sannsynleg) antal målepunkt som er grunnlaget. Dersom kostnaden for anlegget er berekna til 600.000,-, og det er 20 kundar, vil anleggsbidraget verte 0.(20*30.000,-/kunde=600.000,-).
Er kundegrunnlaget mindre, vil det kvile anleggsbidrag for tilknytte kundar.
Utskifting av eksisterande nett
Dersom nye kundar i tillegg utløyser at eksisterande nett må skiftast ut, vil SE vidareføre kostnadane med å erstatte eksisterande nett før levetida er utgått. I dette reknestykket inngår det ei rentebetraktning og vurdering av restlevetid. I tillegg kjem direkte kostnader med oppgradering av kapasiteten. Lengdebetraktning vert også gjort ved utskifting av eksisterande linjer, der kunden må ta sin respektive del av lengda han løyser ut for utskifting/oppgradering.
Framskyndingskostnaden ved ei investering på 100.000,- ti år før tida og med ei kalkulasjonsrente på 4,5 % vert slik: FK=100.000-(100.000/(1 4,5/100)^10=35.607,-
Fellesmåling
Installasjonar med fellesmåling får kun eitt botnfrådrag (30.000,-).
MVA plikt
Anleggsbidraget vert fakturert utan meirverdiavgift. Andre nettjenester som nettselskapet ikkje er pålagde å utføre er definert som omsetning og medfører meirverdiavgift. Sunnfjord Energi kan levere ut rekneeksempel ved førespurnad. Prognose for anleggsbidraget med øvre tak vert synleggjort til kunden før investeringsbeslutning. Endeleg avrekning blir gjort etter at faktiske anleggskostnader er kjent.
Ved spørsmål, ta kontakt.
